haqueqat -e-shayari(shayari kya hai???)

shayari kya hai,
jaise bahte pani se uthati hui ek lehar,
yaa fir kisi shant samundar kii khamoshi me chipi hui anjani si ek kahar,
shayari kya hai,
do pyar karne walon kii dil kii dhadkano kii juban,
yaa phir pyar me hare insaan ki dard-e-dastaan
shayari kya hai,
doston ke saath bitaye har us pal kii mithi yaad,
yaa phir tanhai mein akele hone ka ek teekha sa ehsaas,
shayari kya hai,
sab kuch bolkar kuch bhi nahi kehne kii sada,
yaa phir chup rehkar bhi sab kuch keh dene kii ada,
shayari kya hai,
mazhab ke banaye dayre ko todkar ,kisi aur ka haath thaam lene kii himmat,
ya phir,bane banaye samaj ke gande niyamo ke samne ghutne tek dane kii siddat,
jaam ke tute paimane mein aur chillem (hukke)kii har ek kas(drag) mein
shayari kya hai?
nashe mein dhurt kisi sharabi kii baton mein shayari kya hai?
phuloon kii bhini khusboo me,aur bhouro ke gunjan mein
koyal kii ku ku mein aur wadiyo mein kadkadati bijli ki awaj me shayari kya hai??
shayari sayad ek aisi sacchai hai,ek aisi takat hai,
jo sayad har kisi ke bahut andar chipi hai
sayari naa gita hai ,na quran hai,naa bible hai,
ye toh yaron uss sacche badshah ki ,us parwardidar kii aisi khudai hai
ja mane uske liye toh sacchi jubani hai
par jo na mane uske liye bas ek sapna,ek kalpana aur adhuri sii kahani hai

adhuri si kahani hai......................

ladki ka kida(for juniors)

apne college kii har ladki toh hai ek phool(sorry fool)
jo banti hai kafi hot ,par andar se inka mamla hai
thanda thanda cool cool
toh yaron mat ho jana inme tum itna mashgool
kii jao tum apni vidya(not our principal director) ko bhool
kyunki agar isme tumhari battery ho gayi gul
toh khuda kii kasam ,us ladki kaa toh pata nahi
par tumharey toh is semester mein back aane ke chances hai full
aur agar rakhoge apne tharak par thoda thand aur samajh
toh life hogi rocking ,aur college lyf karoge rule.........

valentine's day ka dard(in SIT)

mana ki ye v'day ,(SIT) ke ladko ko ek teekha sa dard de gaya
janey anjaney mein har ladke ko ek zahreela teer de gaya,
par ye bhi sach hai ki is saal kii kaliyan bhuji hui hai
par yadi khuda ne chaha toh ,
aane wale salon mein gulshan mein gulaab jaroor khilenge
aur hum bhi symbi ke asli crowd ka hissa banenge
toh admission karne walon se ye gujarish hai hamari,
kamse kam ladkiyon ka dakhila toh woh chera dekh ke karenge

dastan -e -tashrif(b'day celebration)

kii us raat jo mere yaron ke haath meri tashrif ko choom gaye,
ek ek kar ke na jane kitne bum meri rehmat par phat gaye
ab hal-e-tashrif aapko bataye bhi to kaise ,
kyunki iska bhi apna ek alag saaj hota hai,
jo ek saath chaliis haath khata hai ,sirf wahi bata pata hai
par samajh nahi aata ye ek saza hai ki maza hai
par yakin maniye har clg ki tamam tashrif me se
kuch toh iski goonj se bhi khaufzada hai
par ye dastoor bhi kafi purana hai ,jo is jahan me har kisi ko nibhana hai
shukra karo yahan toh sirf hatth padtey hai,kahi kahi toh laat bhi khana padta hai
toh yaron chodkar ye darde tashrif jiyo in palon ko,
kyunki inhi ke saath toh hame aage jana hai
aur waise bhi ye toh b.tech hai,
tuff banana hi toh iska fasana hai
tuff banana hi toh iska fasana hai

dastan -e -zindagi

yun hi tik tik kar ke chalti jati hai ye zindagi,
har pal ek naya tazurba,ehsaas aur sikh de jati hai ye zindagi,
har kisi ko ek naye mukaam ki talash mein ,sangarsh karati hai ye zindagi,
na jane kitne khwaab aakhon se siye jati hai ye zindagi ,
hasati bhi hai ,rulati bhi hai,khoon ke ghoont pilati bhi hai
woh ham hi hai jo nahi samajh patey iske kuch anchuye lamhon ko,
yahi toh aalam hai is nacheez ka,
bas is tarah hi jiye jati hai zindagi,
toh yaron isse pahle ki ye apna rukh badle, banao ise itna haseen
ki woh upar baitha khuda bhi ise jine ko tarsey,
aur zarre zarre se bas yahi goonj uthe ,wah zindagi, wah zindagi,wah zindagi

dil ke marijo ke liye

ye rahein nahi hai aasan -e bande
kaanto par chal kar hi milte hai,phulon ke guldaste,
yahan sar ko bhi katana padta hai,dil ko bhi jalana padta hai
ye maidan -e -isq hai mere dost,jo ekbaar toh fanna kar jata hai'
par jo sala isme thokar khata hai,wo sada ke liye isse tauba kar jata hai,
beshak insaan is khoobsurat paheli se ruswa kar jata hai
par waqt ,halaat aur kaynatwapas use usi mod par le k aata hai,
aur jo banda gumani se is mod ko par kar jata hai
wahi us khuda ki nazar asli muqaddar ka sikandar kehlata hai
muqaddar ka sikander kehlata hai

on reservation

arakshan toh bas ek bahana hai,
asal cheez toh paisa aur kursi kamana hai,
ye is gandi rajniti ka ek aur naya bahana hai,
bas dharm ke naam par, masum logo ko ladana hai
par apne desh ki janta bhi toh kuch kam nahi,
chot khaye bina yahan aajtak kisi ko kuch samaj aaya hai,
toh mere padhe likhe sathiyo hum toh samajh sakte hai'
ki jis tarah bina tapat ke kundan kabhie sona nahi ban paya hai,
usi tarah bina mehnat or hunar ke ,wo upar baitha khuda bhi
kisi ki taqdeer nahi badeal paya hai
kisi ki taqdeer nahi badal paya hai

bemausam lecture ki barsaat(for our lady prof.of SIT)

mausam ke nazakat ke kuch toh khata kiziye ,
daru aur chilem naa sahi,kamsekam chai ki chuski toh liziye
is kadar is mausam ke andaaj ko nazarandaz na kiziye
agar mahaul ban raha hai ,toh banne dijiye
yoon is tarah class le kar isme kida toh mat kijiye
ho sakey toh hamare saath aap bhi chaliye
aur barish ka maza clg mein thumke laga kar lijiye

mohabbat-e -watan(inspired by ignited minds)

zindagi ek shamiyana hai,yahan kuch kar gujar k jana hai,

khali hath aaye the hum ,aur khalin hath jana hai

toh yaron jagao apne dilon mein diye josh aur deshbhakti kay

kyunki bharat kii is bigadti surat ko hume hi badal kar jana hai